教育王國
標題: 人生得意須盡歡? [打印本頁]
作者: kiwi2007 時間: 24-5-3 12:27 標題: 人生得意須盡歡?
又要沉澱一下先。中一自行分配結果公佈左咁耐,大家開心完未?一分耕耘,未必一定有滿意的派彩。勝不嬌,敗不餒。 NG 左 take 2黎過,腐朽化神奇。4月份仲有咁多名校對決,有D頁數屢創新高,但係睇完晒又唔知有幾多伏。倚天 vs 屠龍,武當 vs 少林,峨眉 vs 華山...., 邊個勁D?根本無乜意思,既然覺得自己子女係張無忌/周芷若,入到心儀學校後能否連年問鼎級前再入三大? 六年後就會知。中學生涯如何?您的日後友情歲月/人生道路也必如何。
如果唔用 google search, 仲記得下一句,證明您無枉過中學生涯 law。睇番咁多學校的校訓,有D艱深到頂點。勤有功,簡潔易明,抵佢連年第一。
作者: verykin 時間: 24-5-3 15:20
本帖最後由 verykin 於 24-5-3 15:26 編輯
我就未開心完
好多時都是運氣, 塞翁失馬, 天時地利人和.
可能係細b,,五年級 突然開竅, 由考22, 進到,測驗試 第3
五年級下學期才開始 谷 個仔, 谷成績, 谷獎項, 谷証書, 谷服務, 谷資優生, 谷自信 .
上面試班,
斷佢 玩樂 限時玩手機,
谷佢獎項, 游泳比賽, 參加最少人報名 蝶式, 四式(蝶背蛙自),
大人小朋友,收集資料...面試前, 一同去幾間中學 走走...面試前, 父母小朋友都好大壓力,,,,結果公佈父母更大壓力.
現在教佢...體諒未有學校的同學仔心情..
作者: 0030 時間: 24-5-3 16:16
本帖最後由 0030 於 24-5-3 16:17 編輯
自行成功也好,失敗也好,都唔緊要,仲有大抽獎,但入到中學先系真正的挑戰開始
作者: kiwi2007 時間: 24-5-3 17:24
verykin 發表於 24-5-3 15:20 
我就未開心完
好多時都是運氣, 塞翁失馬, 天時地利人和.
可能係細b,,五年級 突然開竅, 由考22, 進到 ...
勝不驕,敗不餒。升上中學後,等於執過位起過風,重新洗牌後再打多六圈,6年後等食餬入三大。尤其是男仔,一係就唔發威,一開左竅就唔係講笑,簡直係裝左 turbo嘅波子,連尾燈都睇唔到。當年我有位死黨,初中滿江紅&考班尾10,中四突然發力, HKCEE開始揸火箭,去到 HKALE 應數&純數全A直入KongU,唔係講笑。所以寧欺白鬚公,莫欺少男沌。7月大抽獎又時有驚喜,候補變成自一/自二正選,個一刻嘅開心就更窩心。
作者: PTL_L 時間: 24-5-3 17:25
kiwi2007 發表於 24-5-3 17:24 
勝不驕,敗不餒。升上中學後,等於執過位起過風,重新洗牌後再打多六圈,6年後等食餬入三大。尤其是男仔, ...
喂,江湖中人,你唔好氹我好喎
作者: liverpool2023 時間: 24-5-3 17:28
提示: 作者被禁止或刪除 內容自動屏蔽
作者: lot888 時間: 24-5-3 17:42
回覆 kiwi2007 的帖子
呢首詩我自小已非常鐘意,尤其最尾一句最正,輸盡也可賺返,東山可再起。嘅然咁有詩意,就回你吾一首,葡萄美酒晚光杯,6年後係點冇人知,盡情享受當下。
作者: kiwi2007 時間: 24-5-3 17:49
lot888 發表於 24-5-3 17:42 
回覆 kiwi2007 的帖子
呢首詩我自小已非常鐘意,尤其最尾一句最正,輸盡也可賺返,東山可再起。嘅然咁有詩 ...
當年對於我地尼班理科仔,識得李白 - 將進酒,已經覺得自己好有文采鳥。
作者: verykin 時間: 24-5-3 17:50
本帖最後由 verykin 於 24-5-3 17:53 編輯
liverpool2023 發表於 24-5-3 17:28 
今時今日
呢啲Band one學校,要入三大唔係好難,差不多躺平都可以
Band one學校,入三大唔係好難, ,,,,,,,,,,自己當年會考23分, 衰中文, 發現個仔醒過我, 希望個仔有30+,
30+, 應該唔易....... 暫時唔好比壓力佢, 等佢開心完E個小學.
作者: liverpool2023 時間: 24-5-3 17:57
提示: 作者被禁止或刪除 內容自動屏蔽
作者: PTL_L 時間: 24-5-3 18:06
verykin 發表於 24-5-3 17:50 
Band one學校,入三大唔係好難, ,,,,,,,,,,自己當年會考23分, 衰中文, 發現個仔醒過我, 希望個仔有30+,
30 ...
中文既影響,已經冇咁大喇,睇下best 5/6收生就知了
作者: verykin 時間: 24-5-3 18:09
本帖最後由 verykin 於 24-5-3 18:10 編輯
liverpool2023 發表於 24-5-3 17:57 
我睇英華
3322 90%
大部分科目達4率係8x%
希望中文唔好衰, 英數無問題, 再加ICT, ,,,好似話ICT 好難5 分,,,,,,,,,,,不過選科的事, 到時先算..
作者: UTB 時間: 24-5-4 07:17
一生人只有短短數年的中學生涯,派到好學校固然獲益良多,豐富人生。相反派去唔好嘅學校,除咗浪費時間,也可能留下不良陰影,影響性格發展。所以揀到好嘅中學係相當重要。
作者: liverpool2023 時間: 24-5-4 09:33
提示: 作者被禁止或刪除 內容自動屏蔽
作者: liverpool2023 時間: 24-5-4 09:34
提示: 作者被禁止或刪除 內容自動屏蔽
作者: UTB 時間: 24-5-4 10:44
本帖最後由 UTB 於 24-5-4 10:45 編輯
liverpool2023 發表於 24-5-4 09:34 
嗰幾年影響好大,成年人都好多時都會與中學同學交深
同意。我見有些朋友,仍然興高采烈和他們畢業多年的舊同學食飯聚舊,真令人羨慕。
作者: verykin 時間: 24-5-4 15:26
本帖最後由 verykin 於 24-5-4 15:28 編輯
liverpool2023 發表於 24-5-4 09:33 
你哋學校3322好低?
照計你自行,都唔會係嗰幾十個吧?通常都是大抽獎嗰啲
...
唔講老豆時B5中學、輪到個仔上中學、由其是南區仔、成功出逃、當然開心。人生得意須盡歡、E兩個月。小學約85人、自行得十幾人成功。自行3成學位、咪得約1成成功。所以亦有人話:自行係呃人的。
作者: verykin 時間: 24-5-4 15:39
本帖最後由 verykin 於 24-5-4 15:40 編輯
UTB 發表於 24-5-4 10:44 
同意。我見有些朋友,仍然興高采烈和他們畢業多年的舊同學食飯聚舊,真令人羨慕。 ...
今年聖類斯中一簡介會後、走時、校門口有幾個、畢業多年老鬼、集體照相、問我係唔係聖類斯畢業?、我(老豆)來探路姐、之後咪幫佢哋影合照。。真令人羨慕、亦對學校改觀。在简介會點吹都冇用。畢業後、仲有冇果份情.. .
作者: UTB 時間: 24-5-4 17:17
verykin 發表於 24-5-4 15:39 
今年聖類斯中一簡介會後、走時、校門口有幾個、畢業多年老鬼、集體照相、問我係唔係聖類斯畢業?、我(老豆) ...
呢種友情唔係間間學校都提供到。以前港島某中學,師生關係一向疏離。豈料學生一畢業即被學校完結關係,老師視畢業生如陌路人,同學各散東西,甚少聯絡,更莫論搞甚麼聚舊。
作者: PTL_L 時間: 24-5-4 17:31
verykin 發表於 24-5-4 15:39 
今年聖類斯中一簡介會後、走時、校門口有幾個、畢業多年老鬼、集體照相、問我係唔係聖類斯畢業?、我(老豆) ...
男校係好啲,bonding 係比女校、男女校強,記得有一個papa著住個仔中學部既t shirt睇比賽(唔關果間學校事既比賽),有一都算有名氣既畢業生專登同果個爸爸(畢業生以為果個個papa係old boy)打招呼,傾吓計咁!
作者: Sing13 時間: 24-5-4 21:05
liverpool2023 發表於 24-5-3 17:28 
今時今日
呢啲Band one學校,要入三大唔係好難,差不多躺平都可以
本帖最後由 Sing13 於 24-5-4 21:07 編輯
就算Band1 A都係50%,英華都係差唔多依個數,band1 A既非重點班其實入三大機會都唔大。

作者: liverpool2023 時間: 24-5-4 21:19
提示: 作者被禁止或刪除 內容自動屏蔽
作者: pccw2017 時間: 24-5-4 22:38
PTL_L 發表於 24-5-4 17:31 
男校係好啲,bonding 係比女校、男女校強,記得有一個papa著住個仔中學部既t shirt睇比賽(唔關果間學校事 ...
記得有次去新加坡玩完返香港响新加坡機場排隊上機時已發現有兩位C9對我指指點點, 後來佢地忘唔著走來問我個背囊係咪SPCC的. 我話係不過我唔係讀SPCC, 跟著佢地就好開心走左.
作者: PTL_L 時間: 24-5-4 22:45
pccw2017 發表於 24-5-4 22:38 
記得有次去新加坡玩完返香港响新加坡機場排隊上機時已發現有兩位C9對我指指點點, 後來佢地忘唔著走來問我個 ...
我想像到個畫面
佢哋有冇手拖手,跳住走呀?
作者: pccw2017 時間: 24-5-4 22:57
PTL_L 發表於 24-5-4 22:45 
我想像到個畫面佢哋有冇手拖手,跳住走呀?
咁又無留意, 只係記得佢地講過:「...都話係Co-ed架啦 !」
作者: Rpp 時間: 24-5-5 10:13
pccw2017 發表於 24-5-4 22:38 
記得有次去新加坡玩完返香港响新加坡機場排隊上機時已發現有兩位C9對我指指點點, 後來佢地忘唔著走來問我個 ...
小朋友定你用SPCC背囊去旅行?正常都估到係咪該校學生。

作者: kiwi2007 時間: 24-5-6 09:51
本帖最後由 kiwi2007 於 24-5-6 14:00 編輯
verykin 發表於 24-5-4 15:39 
今年聖類斯中一簡介會後、走時、校門口有幾個、畢業多年老鬼、集體照相、問我係唔係聖類斯畢業?、我(老豆) ...
St. Louis 校風如何,只要您在 SYP 附近走一轉,再問問街坊意見,您就明白春風化雨的真諦。西營盤站附近三間男校都算是歷史悠久,豐儉由人,各有特色,視乎用家的能力、策略和彩數。男校嘅兄弟情好似比較強,因為中學生涯裏彼此披風帶雨、朝夕相處六年、互相扶持,令到 100% 雄激素小伙子好似特別長情。尤其是喜歡打波的,想當年團隊精神的培養,各大小比賽勝負的洗禮,那些年在球場上同上同落、汗流浹背、爆粗/三字經...等的情境多數會成為不能删除的 long term memory. 所以每逢母校的重要日子,您都會不難發覺總有些年長的學兄撑場。唔好以為他們是陪伴家人到場的長者,而係一班念舊和有心的大師兄。如果有唱校歌環節,邊位最投入兼唸唸有詞/引吭高唱的就肯定係 old boys 吧!
所以去到今日,男女校彷彿是大趨勢,男校仍有小小的市場 law.
作者: liverpool2023 時間: 24-5-6 11:42
提示: 作者被禁止或刪除 內容自動屏蔽
作者: verykin 時間: 24-5-6 13:41
本帖最後由 verykin 於 24-5-6 14:40 編輯
liverpool2023 發表於 24-5-6 11:42 
咁你又揀KC?好多畢業生吐嘈喎!
本身沒有強烈意願選校, 個仔突然發力, 但父母臨急抱佛腳, 以前唔比佢學,0音樂底..
個仔英文數學好, 英文朗讀超強項, (報高主,張記應該有優勢)
所以間間中一簡介會去了聽聽,,,(WY, KC, 張記, 中婦, 高主, 鄧肇堅, 聖類斯)
--方法--排除法,
名單: QC, SJC, WY, KC, 張記, 中婦, 高主, 鄧肇堅, 聖類斯
---
本身又唔係級頭, 又要避開前面同學仔, 小學有4人有 WY推薦信..我只有鄧肇堅推薦信(問題係你要唔要)
名單:SJC, KC, 張記, 中婦, 高主, 鄧肇堅, 聖類斯
---
容易返學, 附近易找吃... 實地考察幾次
名單:KC, 中婦, 鄧肇堅, 聖類斯
---
老師意見, (副校長反對報 聖類斯), (鄧肇堅無ICT,,,聖馬可都好似無,)
亦問了KC舊生,,唔洗音樂, 學校重視操行...(面試時已預備點答, 問你喜歡其他什麼中學)
名單:KC, 中婦...
作者: verykin 時間: 24-5-6 14:37
本帖最後由 verykin 於 24-5-7 08:15 編輯
kiwi2007 發表於 24-5-6 09:51 
St. Louis 校風如何,只要您在 SYP 附近走一轉,再問問街坊意見,您就明白春風化雨的真諦。西營盤站附近三 ...
因為小學老師,叫我地唔好報, 可能後面同學要報,,分餅仔., 但又唔覺好差,, 我姪仔前年畢業,勁唔交功課, 老師仍 好關愛,,對成績差同學 一樣....
作者: pccw2017 時間: 24-5-7 00:23
Rpp 發表於 24-5-5 10:13 
小朋友定你用SPCC背囊去旅行?正常都估到係咪該校學生。
當然係大人啦.
作者: happybbpig 時間: 24-5-9 11:45
kiwi2007 發表於 24-5-3 17:24 
勝不驕,敗不餒。升上中學後,等於執過位起過風,重新洗牌後再打多六圈,6年後等食餬入三大。尤其是男仔, ...
好勵志啊, 其實真係要睇佢幾時開竅, 想得通, 亞媽同佢講要讀書講幾多都沒用
作者: JojoDad 時間: 24-5-10 16:30
verykin 發表於 24-5-4 15:39 
今年聖類斯中一簡介會後、走時、校門口有幾個、畢業多年老鬼、集體照相、問我係唔係聖類斯畢業?、我(老豆) ...
呢類感情以男校brotherhood居多,其中夾雜社會上男性交際應酬,而大多女士婚後倾向家庭為主,与中学校友联系不及男性普遍。
作者: verykin 時間: 24-5-10 17:18
要中學讀得開心致得、歸屬性強、若再加上名校自豪感、名牌效應...
作者: kiwi2007 時間: 24-5-10 21:13
happybbpig 發表於 24-5-9 11:45 
好勵志啊, 其實真係要睇佢幾時開竅, 想得通, 亞媽同佢講要讀書講幾多都沒用 ...
以上故事,純屬真實個案,如有雷同,實屬緣分&機會。正如張無忌的傳奇一生,如果:
~沒有殷素素的臨終教誨?
~沒有芷若的年少餵飯之恩?
~沒有蛛兒的一咬定情?
~沒有自學而成的九陽神功&乾坤大挪移?
~沒有趙明的横刀奪愛?
~沒有常遇春狠推趙明落山?
能否造就他無敵、絢爛但最終卻無奈的一生?
作者: kiwi2007 時間: 24-5-12 07:46
JojoDad 發表於 24-5-10 16:30 
呢類感情以男校brotherhood居多,其中夾雜社會上男性交際應酬,而大多女士婚後倾向家庭為主,与中学校友联 ...
提起男校,自從 DSE 有死亡之卷「中文科」出現後,令到一些傳統名男校嘅業績突然大倒退,三大入學率下滑。其實中文科是母語教學,理應比英文科較易合格,但是由於考生的中文根基大不如前,加上又要應付文言文的範圍,所以攪到中文科一鑊粥。想當年我地HKCEE會考年代,升上中一後,每星期要做中文讀書報告,所以被迫睇左好多中文好書,因此對李白、杜甫、蘇軾、魯迅、胡適、老舍、巴金、朱自清、郭沬若、徐志摩、錢鐘書、徐志摩...等肯定有基本認識,加上再拜讀因電視撈飯而拼命追看金鏞的經典武俠小說「飛雪連天射白鹿,笑書神俠倚碧鴛」,因此當年我地尼班理科生在中五會考中文卷多數也能合格過關,再升預科。上左中六,因為已經唔駛再考中文卷,真係時也命也!
作者: mimwing 時間: 24-5-12 20:53
PTL_L 發表於 24-5-3 17:25 
喂,江湖中人,你唔好氹我好喎
呢類case 好多的,通常平時打機好叻英文溝通流利
作者: mimwing 時間: 24-5-16 07:47
verykin 發表於 24-5-3 15:20 
我就未開心完
好多時都是運氣, 塞翁失馬, 天時地利人和.
可能係細b,,五年級 突然開竅, 由考22, 進到 ...
請問面試班有推介嗎?
作者: verykin 時間: 24-5-16 08:23
mimwing 發表於 24-5-16 07:47 
請問面試班有推介嗎?
香港仔天后古廟旁英文補習社、暑假可找找面試班上上、阿仔果間小學、有找校外機構、來教面試班。
面試最好找多些陌生人來練習。
作者: kiwi2007 時間: 24-5-18 07:13
(原曲: 倚天屠龍記)
林護繞心中有幾多重
荃官又卻是誰所種
保羅好多間 男拔有恨 華仁同重
忘情棄愛世上有真BAND 1 傻人只許讓喇沙纏心中
難忘協恩深 女拔偏有恨 瑪利諾難共
皇仁萬里廣闊 英華百般洶湧
要聖提亦難 港同可不可 聖瑪利填胸
迷迷惘惘升中有幾千重 愁愁怨怨待那日才可終
直資 官津 國際校 心中迷夢
男校 女校 男女校 心中迷夢
作者: UTB 時間: 24-5-18 16:18
本帖最後由 UTB 於 24-5-18 16:28 編輯
kiwi2007 發表於 24-5-12 07:46 
提起男校,自從 DSE 有死亡之卷「中文科」出現後,令到一些傳統名男校嘅業績突然大倒退,三大入學率下滑。 ...
以前中學會考中文科純粹考核學生的語文運用的能力,以及對指定課文的理解。但係去到DSE中文,我覺得有少許牽涉到高階思維,同樣係閱讀理解,DSE的問題也問得比較深層次和抽象,加上文言文有一定難度,即使中文基礎較佳的學生也要在哲理思維,文化素養方面下點苦功才能應付到。但過去香港社會比較重英輕中,學生中文根基普遍變得薄弱,所以一遇到變革了的中文課程便適應不了。
另外,大學入學資格對中文科的要求亦提高了,以前八十年代會考中文E級便可以入港大,預科中文不是必修,唔少理科生都當中文係「閒科」。即使九十年代中化科係預科必修,合格的門檻亦很低,差不多九成學生都考到E級。不過去到DSE,要到第3級(相等於舊制C/D級)先符合申請大學,達標率只有五成幾,中文科便形成「死亡之卷」之說。歸根究底,學生要考好中文,不外乎要多閱讀,多思考,多運用,絕不能當中文係「閒科」看待。
作者: kiwi2007 時間: 24-5-19 06:55
UTB 發表於 24-5-18 16:18 
以前中學會考中文科純粹考核學生的語文運用的能力,以及對指定課文的理解。但係去到DSE中文,我覺得有少許 ...
~考評局真係功不可抹,可以令到有母語優勢的考生都要嘗試死亡之吻的中文卷
~中五會考/中七高考年代真係最幸運的年代,好多人(尤其是理科生) PHY/CHEM/PURE MATHS/APPLIED MATHS 摘A但 USE OF ENGLISH 僅僅攞E都順利入到 HKU,時也命也
~去到今時今日,明明自行收生階段已獲派彩的考生可以提早收工,點知父母又再助攻,選擇困難症地/心有不甘地/好高鶩遠地迫使用家繼續挑戰各色其色的官/津/直/國際校,皆因沒有最好,只有更好? 最後,唯有點播黎瑞恩嘅幸運是我,深信幸運是在我手裡....夢變真,夢變真,求可以!
作者: UTB 時間: 24-5-19 14:52
kiwi2007 發表於 24-5-19 06:55 
~考評局真係功不可抹,可以令到有母語優勢的考生都要嘗試死亡之吻的中文卷
~中五會考/中七高考年代真係最幸 ...
其實DSE經常被批評「重文輕理」。四個主修科中,三個係文科;數學考到2級就可以入大學,中英文要3級。如果數學要考到第3級先可以入大學,到時數學科也會變成死亡之卷。
我覺得DSE有唔小要改革的地方。首先高階數學要獨立成科,高階數學對科研是很重要的。中文科最好回歸以語文運用能力為考核重點。大學入學方面,如果學生在三個或以上的選修科目取得優異成績,中英文其中一科2級也可以符合申請學士學位課程的要求。
我認同你話中五會考/中七高考係幸運的年代;但我有一樣嘢就唔認同:「幸運是我」係葉德嫻唱的,不是黎瑞恩。
作者: 10090 時間: 24-5-19 15:58
UTB 發表於 24-5-19 14:52 
其實DSE經常被批評「重文輕理」。四個主修科中,三個係文科;數學考到2級就可以入大學,中英文要3級。如果 ...
數學必修部份,其實可以減少內容,但要3級先可以讀大學
因為文科唔需要學咁多數學,但2級真係要求太低,我認為作為一個大學生,基礎能力一定有返咁上下

作者: eit2003 時間: 24-5-19 19:24
UTB 發表於 24-5-18 16:18 
以前中學會考中文科純粹考核學生的語文運用的能力,以及對指定課文的理解。但係去到DSE中文,我覺得有少許 ...
只要政府肯將大學入學門檻調番低至中文 2級 (232A 或 222A) 就可以。唔使搞一大輪彈性收生。中文2其實都唔係好差,可能只係冇考試運。
作者: UTB 時間: 24-5-19 20:25
eit2003 發表於 24-5-19 19:24 
只要政府肯將大學入學門檻調番低至中文 2級 (232A 或 222A) 就可以。唔使搞一大輪彈性收生。中文2其實都唔 ...
呢樣要追溯番舊制考試。DSE 第2級的程度大約與舊制CE E級相同。DSE 第3級大約等同舊制AL E級/AS D至E級。由於在舊制高考,中英文要合格才符合入大學的要求,新制亦沿用這個要求。但數學在舊制高考並不是必修,所以維持2級便可以入大學。
作者: UTB 時間: 24-5-19 20:55
本帖最後由 UTB 於 24-5-19 21:19 編輯
10090 發表於 24-5-19 15:58 
數學必修部份,其實可以減少內容,但要3級先可以讀大學
因為文科唔需要學咁多數學,但2級真係要求太低,我 ...
有人也認為中文科對理科/工科/醫科沒有幫助。但我認為學習中文的目的在於應付日常生活的需要。只不過現時中學的中文課程過分聚焦文言文,欠缺實用性,有改革的需要。
我認為香港的中文課程,最基本的要求係要讓學生能夠書寫到流暢得體的書信公文,以達到中文作為日常溝通的工具。有時收到某些機構的來函,文句有語病,用詞不恰當;雖然溝通到,但看後總覺得很不是味兒。
作者: twhkleung 時間: 24-5-20 02:54
語文基本上用泥溝通, 文學才用來欣賞(可作為selective), 返而學第三什致第四語文更实際.
math! 學乜calculus, 乜algerba, 乜都好, 其实都係培養學生思考邏輯能力, 就算文科也需要的.
記得有對有趣对聯, 正正返影邏輯(math)的重要性.
一群精雁天邊過 半隻燒鵝地上行
一對半
天對地
作者: kiwi2007 時間: 24-5-20 21:18
本帖最後由 kiwi2007 於 24-5-20 21:19 編輯
UTB 發表於 24-5-19 14:52 
其實DSE經常被批評「重文輕理」。四個主修科中,三個係文科;數學考到2級就可以入大學,中英文要3級。如果 ...
道歉啟事
「幸運是我」這首歌是TVB 1983年電視劇「鬼咁夠運」插曲,原唱者是葉德嫺。事隔多年,黎瑞恩曾多次在其個人演唱會及公開演唱出時翻唱這首名曲,令人聽出耳油,更令小弟留下了這個深刻印象,皆因我心中蘊藏愛意千百丈,怎許相依戀....。言歸正傳,本人謹此致歉並罰自己抄寫全首歌詞一次,懇請大家細心咀嚼。
幸運是我
作詞:鄭國江
作曲:顧嘉煇
深信幸運是在我手裡 今天我能高飛
只想你也替我開心 感覺樣樣都得意
* 一樣是舊日的我 今天笑意甜絲絲
聲音裡也帶一點光彩 感覺是特別的美
曾嘗遍失意時 卻找到快樂匙
那裡會知 就是自己 原來是個幸運兒
誰人亦有得意時 這一刻最特殊
滿有信心 默默地說 幸運是個小諷刺
雖說幸運是個諷刺 它使我能高飛
它可帶予我一絲驚喜 可以實現我心志
夢變真夢變真 求可以 *
Repeat *
作者: UTB 時間: 24-5-22 16:47
kiwi2007 發表於 24-5-20 21:18 
道歉啟事
「幸運是我」這首歌是TVB 1983年電視劇「鬼咁夠運」插曲,原唱者是葉德嫺。事隔多年,黎瑞恩曾多 ...
我都係講下笑,可能我表達得唔太好,實在不好意思,請見諒。
歡迎光臨 教育王國 (/) |
Powered by Discuz! X1.5 |